Філалагічны факультэт прадстаўлены на калегіі Міністэрства адукацыі

15 лютага 2017 года на базе ДУА “Сярэдняя школа № 61” адбылася калегія Міністэрства адукацыі Рэспублікі Беларусь.

У рабоце калегіі прынялі ўдзел намеснік прэм’ер-міністра В.І.Жарко, міністр адукацыі І.В.Карпенка, старшыня Пастаяннай камісіі Палаты прадстаўнікоў па адукацыі, культуры і навуцы І.А.Марзалюк, рэктар БДПУ А.І.Жук, кіраўнікі аддзелаў адукацыі, спорту і турызму з усіх рэгіёнаў краіны, парламентарыі.

Усе ВНУ Беларусі на сваіх пляцоўках прадэманстравалі найноўшыя дасягненні ў галіне навукі і адукацыі. Вельмі прадстаўнічай у колькасных і якасных адносінах была пляцоўка БДПУ. Вялікую цікавасць удзельнікаў мерапрыемства выклікалі працы выкладчыкаў філалагічнага факультэта і асабліва “Беларуска-азербайджанскі слоўнік”, выкананы аўтарскім калектывам пад кіраўніцтвам дэкана факультэта В.Д.Старычонка. Прэзентаваліся таксама дасягненні студэнтаў: дзейнасць СНДЛ факультэта, вопыт валанцёрскай практыкі, сацыяльны праект “Экскурсіі для замежных студэнтаў”.