Літаратурная сустрэча

Гасцямі БДПУ імя Максіма Танка, а найперш факультэта беларускай і рускай філалогіі, сталі 11 лютага вядомыя пісьменнікі, удзельнікі Міжнароднага сімпозіума літаратараў "Пісьменнік і час". Гасцей віталі першы прарэктар універсітэта А.І.Андарала і дэкан факультэта беларускай і рускай філалогіі В.Д.Старычонак. Перад студэнтамі выступілі вядомы азербайджанскі паэт Чынгіз Аліаглу, дырэктар выдавецтва "Художественная литература" Георгій Прахін, паэты Валерый Дудараў, Юрый Шчарбакоў і інш. Выдатным дапаўненнем да "літаратурнай" часткі сталі канцэртныя нумары нашых студэнтаў -- песні ў выкананні ансамбля "Ярыца", спявачак Марыі Хлань і Ізюнь Бай.