Літаратурная гасцёўня “Таемнасць прыгожага слова”

17 верасня 2026 года на філалагічным факультэце адбылася літаратурная гасцёўня “Таемнасць прыгожага слова”, прымеркаваная да дня нараджэння Максіма Танка і Дня народнага адзінства.

Адкрыў мерапрыемства дэкан факультэта В.Д. Старычонак. Куратар Н.В. Заяц пазнаёміла студэнтаў з цікавымі старонкамі біяграфіі Максіма Танка, нагадала пра тое, што дзень нараджэння народнага паэта супадае з сённяшнім дзяржаўным святам. У свой час дзёрзкі заходнебеларускі юнак шмат зрабіў для таго, каб дзве часткі Беларусі ўз’ядналіся.

Студэнты пачулі, што Максім Танк увайшоў у літаратуру не толькі як паэт-трыбун, наватар, эксперыментатар, змагар за народнае шчасце, але і як майстра любоўнай лірыкі.

Госць мерапрыемства, навуковы супрацоўнік аддзела беларускай літаратуры ХХ і ХХI стст. Інстытута літаратуразнаўства Ірына Сяргееўна Мяцеліца, расказала будучым настаўнікам пра напрамкі даследавання шматграннай творчасці мастака слова, прачытала ўласныя вершы, прысвечаныя Максіму Танку.

У заключэнне ўдзельнікі гасцёўні паслухалі песню “Завушніцы”, аўтарам слоў якой з’яўляецца Максім Танк.