Мiжнародны дзень роднай мовы 2024

21 лютага 2024 года на філалагічным факультэце БДПУ адбыўся дыктант, прысвечаны Міжнароднаму дню роднай мовы.

З прывітальным словам выступіў дэкан філалагічнага факультэта, прафесар, доктар філалагічных навук Васіль Дзянісавіч Старычонак.

У дыктанце прынялі ўдзел выкладчыкі і студэнты факультэта, вучні ДУА «Сярэдняя школа № 30 г. Мінска». Дыктант “Роднае слова” быў падрыхтаваны паводле тэксту Аляксандра Крывіцкага – вядомага беларускага мовазнаваўцы, лаўрыята Дзяржаўнай прэміі СССР.

Тэкст дыктавала кандыдат філалагічных навук, дацэнт кафедры мовазнаўства і лінгвадыдактыкі Наталля Аляксандраўна Радзіваноўская.