Навіны ад "Вандроўнікаў з Альбарутэніі"

28 верасня валанцёрскі атрад "Вандроўнікі з Альбарутэніі" разам з вакальна-інструментальным калектывам «Аlma mater» наведалі дзяцей з асаблівасцямі псіхічнага развіцця, якія займаюцца ў сацыяльна-працоўных майстэрнях. Валанцёры падрыхтавалі канцэртную праграму: разам з дзецьмі яны сустракалі восень, спявалі, гулялі, дзяліліся добрым настроем. Напрыканцы сустрэчы дзеці выказалі падзяку "вандроўнікам" і шчыра запрашалі да сябе зноў.