ПАДАРОЖЖА Ў ЛІТАРАТУРНЫЯ МУЗЕІ

У канцы навучальнага семестра студэнты 2-га курса філалагічнага факультэта (310121, 310221 групы) адправіліся за новымі ведамі ў літаратурныя музеі Мінска.

Разам з дацэнтам кафедры беларускай і замежнай літаратуры Т.П. Хоміч пазнаёміліся з асноўнымі экспазіцыямі

Дзяржаўнага літаратурнага музея Янкі Купалы,

Дзяржаўнага літаратурна-мемарыяльнага музея Якуба Коласа і

Літаратурнага музея Максіма Багдановіча.

Экскурсія ў музеі заўсёды дае магчымасць выразней убачыць вытокі творчасці пісьменніка, яе біяграфічны грунт, пранікнуцца атмасферай часу, у які жыў і тварыў мастак слова.

У падарожжы па трох літаратурных музеях студэнты

даведаліся

пра цікавыя і кранальныя факты з біяграфій класікаў роднай літаратуры,

убачылі

арыгіналы іх першых кніг, рукапісныя тэксты, малавядомыя фотаздымкі,

адкрылі

новыя для сябе звесткі, якія тычацца творчага шляху пісьменнікаў.

Атрымалася прадэманстраваць і сваё веданне літаратурнай класікі ў адказах на пытанні экскурсаводаў (тут праявілі сябе студэнты Іван Андрушка, Вольга Бокуць, Вікторыя Місюль і інш.).