Прафарыентацыйнае мерапрыемства з вучнямі сярэдняй школы № 30

21 лютага 2024 года было праведзена прафарыентацыйнае мерапрыемства з вучнямі 10-11 класаў ДУА “Сярэдняя школа № 30 г. Мінска”.

Дацэнт кафедры мовазнаўства  і лінгвадыдактыкі Наталля Аляксандраўна Радзіваноўская і студэнт 4 курса Міхаіл Тарас расказалі гасцям пра інстытуты і факультэты ўніверсітэта, традыцыі і магчымасці, якія дае вучоба ў БДПУ. Для школьнікаў была праведзена экскурсія па ўніверсітэце. Будучыя абітурыенты таксама прынялі ўдзел у дыктанце, прысвечаным Міжнароднаму дню роднай мовы.