Семінар па праблемах выкладання беларускай мовы

На базе кафедры рускай мовы і культуры маўлення Ваеннай акадэміі Рэспублікі Беларусь 5 лютага адбыўся семінар "Навукова-метадычнае забеспячэнне адукацыйных праграм у аспектах вывучэння беларускай мовы".

У семінары ўдзельнічалі выкладчыкі Ваеннай акадэміі Рэспублікі Беларусь, Беларускага дзяржаўнага педагагічнага ўніверсітэта імя Максіма Танка, Беларускага нацыянальнага тэхнічнага ўніверсітэта, Беларускага дзяржаўнага аграрна-тэхнічнага ўніверсітэта, Беларускага дзяржаўнага эканамічнага ўніверсітэта, Інстытута памежнай службы.

Кафедру беларускага мовазнаўства БДПУ прадстаўляў яе загадчык кандыдат філалагічных навук Д.В.Дзятко.