Справаздачы навуковых кіраўнікоў СНДЛ

7 верасня кіраўнікі студэнцкіх навукова-даследчых лабараторый філалагічнага факультэта выступілі са справаздачамі аб працы ў 2016–2017 навучальным годзе.

Атэстацыйная камісія на чале з прарэктарам па навуковай рабоце Ганнай Васільеўнай Торхавай на працягу дня слухала выступленні кіраўнікоў СНДЛ універсітэта з мэтаю палепшыць эфектыўнасць навуковай працы са студэнцкай моладдзю, падказаць шляхі аптымізацыі дзейнасці лабараторый.

Справаздачы аб выніках працы ў мінулым навучальным годзе прадставілі:

• Наталля Віктараўна Заяц, кандыдат філалагічных навук, дацэнт, кіраўнік СНДЛ “Сучасны літаратурны працэс у рэцэпцыі будучых настаўнікаў” (кафедра беларускай літаратуры і культуры);
• Наталля Пятроўна Лобань, кандыдат філалагічных навук, дацэнт, кіраўнік СНДЛ “Сродкі выражэння экспрэсіўнасці ў мове і маўленні” (кафедра беларускага мовазнаўства);
• Юлія Аляксандраўна Гурская, кандыдат філалагічных навук, дацэнт, кіраўнік СНДЛ “Ономастика: перспективные направления, теория, аспекты анализа в вузе и школе” (кафедра агульнага і рускага мовазнаўства);
• Таццяна Яўгенаўна Камароўская, доктар філалагічных навук, прафесар, кіраўнік СНДЛ “Духовно-нравственный потенциал и художественные особенности выдающихся произведений литературы США” (кафедра рускай і замежнай літаратуры).

Дзейнасць студэнцкіх лабараторый філалагічнага факультэта была прызнана паспяховай і прадуктыўнай.