Віншуем загадчыка кафедры мовазнаўства і лінгвадыдактыкі

Загадчыку кафедры мовазнаўства і лінгвадыдактыкі Дзмітрыю Васільевічу Дзятко ў сценах Мінскай духоўнай акадэміі ад імя старшыні Сінадальнага аддзела рэлігійнай адукацыі і катэхізацыі Беларускага Экзархата епіскапа Барысаўскага і Мар’інагорскага Веніяміна была ўручана грамата за працу на ніве духоўнай асветы.

Урачыстае пасяджэнне было прымеркавана да 30-годдзя часопіса “Роднае слова” і падвядзення вынікаў рэспубліканскага конкурсу навукова-даследчых і творчых работ “Тут родныя трымаюць карані”.