Вучэбна-выхаваўчае мерапрыемства “Дыяспары на Беларусі”

На філалагічным факультэце адбылося вучэбна-выхаваўчае мерапрыемства “Дыяспары на Беларусі”. Арганізатарам выступіла прафесар кафедры беларускага мовазнаўства  Наталля Уладзіміраўна Чайка.

На імпрэзе выступілі загадчык кафедры Д.В.Дзятко, які расказаў пра ролю дыяспар у развіцці культуры на Беларусі, прафесар Н.У.Чайка з дакладам “Рэспубліка Беларусь сёння: эканамічнае і палітычнае становішча”, а таксама шматлікія студэнты з Туркменістана. Усе прысутныя з цікавасцю пазнаёміліся з паведамленнямі “Азербайджанская дыяспара на Беларусі” (Т.К. Кобер),  “Літоўская дыяспара на Беларусі” (Р.Ё. Радыгіна), “Татары на зямлі беларускай” (Г.В. Кажамякін).